ADB کا پاکستان کیلئے ''گلیشیرز ٹو فارمز'' پروگرام تیار

گلیشیرز پگھلنے سے پیدا ہونیوالے اثرات پرجامع رپورٹ مرتب کی جائیگی

پروگرام موسمیاتی خطرات کے تدارک کیلئے اہم پالیسی فریم ورک ثابت ہوگا

کراچی(بیورورپورٹ) پاکستان میں پانی، زراعت اور توانائی کے تحفظ کیلئے ایشیائی ترقیاتی بینک (ADB) نے جامع ایجنڈا تیار کر لیا،اے ڈی بی کے مطابق ''گلیشیرز ٹو فارمز پروگرام ' ' کے تحت گلیشیرز کے پگھلنے سے پیدا ہونیوالے معاشی اور ماحولیاتی اثرات پر جامع رپورٹ مرتب کی جائیگی،بینک کے مطابق پروگرام کے تحت موسمیاتی تبدیلیوں کے نقصانات کی محفوظ منصوبہ بندی بھی کی جائیگی تاکہ پاکستان میں پانی کے ذخائر، زرعی پیداوار اور توانائی کے نظام کو تحفظ فراہم کیا جا سکے، گلیشیئرز پگھلنے کے حوالے سے عالمی ماہرین کی سفارشات طلب کر لی گئی ہیں، سفارشات کا تفصیلی جائزہ''انٹرنیشنل کنونشن آف دی ایسٹ ایشین اکنامک ایسوسی ایشن''کے اجلاس میں لیا جائیگا جو 8 سے 9 نومبر کو فلپائن میںہو گا،ذرائع کے مطابق پروگرام پاکستان میں پانی کے موثر استعمال، جدید آبپاشی نظام اور موسمیاتی خطرات کے تدارک کیلئے اہم پالیسی فریم ورک ثابت ہوگا۔