ایوانوں میں27 ویں ترمیم کی بازگشت سنائی دے رہی ہے: اسد قیصر

اسلام آباد(بیورو رپورٹ ) سابق سپیکر قومی اسمبلی اسد قیصر نے کہا ریاستی ایوانوں سے ایک بار پھر آئینی ترمیم کی بازگشت سنائی دے رہی ہے،، ابھی 26 ویں آئینی ترمیم کے زخم تازہ ہیں، اب 27 ویں ترمیم کی باتیں ہو رہی ہیں،1973 کا آئین پاکستان کا متفقہ آئین ہے، آئین پر کسی کو ہاتھ نہیں ڈالنا چاہیے، ذوالفقار علی بھٹو اور تمام سیاسی جماعتوں نے آئین پر اتفاق کیا تھا،رہنما پی ٹی آئی نے کہا آئین ریاست کی تمام اکائیوں کو ایک بندھن میں جوڑے رکھتا ہے، اب بھٹو کا جانشین اور ان کی جماعت اسی آئین کے چہرے کو مسخ کرتی ہے یا جمہوریت اور عوام کے ساتھ کھڑی ہوگی،موجودہ پارلیمان فارم 47 کی پیداوار ہے، موجودہ پارلیمان آئینی ترمیم کا اخلاقی جواز نہیں رکھتی۔