افغانستان سے دراندازی کی کوشش ناکام، 3 خوارج ہلاک

راولپنڈی (بیورورپورٹ) خیبرپختونخوا میں سکیورٹی فورسزنے پاک افغان سرحد پر فتنہ الخوارج کی دراندازی کی کوشش ناکام بناتے ہوئے 3 دہشت گردوں کو ہلاک کر دیا،آئی ایس پی آر کے مطابق شمالی وزیرستان کے بالمقابل علاقے ایشام میں خوارج کی نقل وحرکت محسوس کی گئی، سکیورٹی فورسز نے دہشت گردوں کے گروہ کی نقل و حرکت کو بروقت کارروائی کر کے ناکام بنا دیا، کارروائی کے دوران میں بھارتی حمایت یافتہ فتنہ الخوارج کے 2 دہشت گرد ہلاک ہوگئے، شمالی وزیرستان میں مارے گئے ایک خوارج میں کی شناخت افغان شہری قاسم کے نام سے ہوئی، قاسم نامی خارجی افغان بارڈر پولیس میں کام کر رہا تھا،دوسری جانب ضلع ٹانک میں انٹیلی جنس بیسڈ آپریشن میں بھی ایک اور خوارج کو جہنم واصل کردیا گیا، مارے گئے خارجی کی شناخت افغان شہری اکرام الدین عرف دجانا کے نام سے ہوئی،آئی ایس پی آر کی جانب سے جاری بیان میں کہا گیا فتنہ الخوارج کی قیادت افغانستان میں بیٹھ کر پاکستان میں دراندازی کی کوششوں کی منصوبہ بندی کر رہی ہے، جس کا مقصد پاکستان کے اندر اپنی موجودگی کا تاثر دینا اور باجوڑ و مہمند میں سکیورٹی فورسز کی مؤثر کارروائیوں سے خوارج کا گرتا ہوا حوصلہ بحال کرنا ہے۔