پاکستان دنیا کیلئے سمندری ٹریڈ روٹ ثابت ہوگا: احسن اقبال

کراچی پورٹ اور پورٹ قاسم سمیت تمام بندرگاہوں کو جدید بنا رہے ہیں

پاکستان وسطی ایشیا، جنوبی ایشیا اور مشرق وسطی کے درمیان تجارتی حب بن سکتا ہے

کراچی(بیورورپورٹ)وفاقی وزیر برائے منصوبہ بندی احسن اقبال کا کہنا ہے ہم تمام بندرگاہوں کو جدید بنا رہے ہیں، پاکستان دنیا کیلئے سمندری ٹریڈ روٹ ثابت ہوگا،کراچی میں میری ٹائم ایکسپو کی افتتاحی تقریب سے خطاب کرتے ہوئے احسن اقبال نے کہا کراچی پورٹ اور پورٹ قاسم سمیت تمام بندرگاہوں کو جدید بنا رہے ہیں، پاکستان وسطی ایشیا، جنوبی ایشیا اور مشرق وسطی کے درمیان تجارتی حب بن سکتا ہے، پاکستان مختلف شعبوں میں سرمایہ کاروں کیلئے پرکشش مقام ہے، یہاں توانائی، آئی ٹی اور معدنیات سمیت مختلف شعبوں میں سرمایہ کاری کے بے پناہ مواقع ہیں، وفاقی وزیر نے کہا بلیو اکانوی میں سرمایہ کاری کے متعدد مواقع موجود ہیں، دنیا کی خوشحالی سمندری وسائل کے موثر استعمال پر منحصر ہے۔