وزیراعلیٰ مریم نواز کی کامیابی کیخلاف انتخابی عذرداری مسترد

عذرداری میں الیکشن ایکٹ2017کے رول 144کوپورا نہیں کیا گیا

الیکشن ٹربیونل نے پی پی 159سے مہر شرافت کی انتخابی عذرداری پر فیصلہ سنا دیا

لاہور(کورٹ رپورٹر) الیکشن ٹربیونل نے وزیراعلیٰ پنجاب مریم نواز کی کامیابی کیخلاف انتخابی عذرداری کو مسترد کردیا،الیکشن ٹربیونل کے جج رانا زاہد محمود نے پی پی 159سے مہر شرافت کی انتخابی عذرداری پر فیصلہ سنا دیا جس میں ٹربیونل نے مریم نواز کی کامیابی کے خلاف دائر عذرداری کو مستردکردیا،الیکشن ٹربیونل کے مطابق عذرداری میں الیکشن ایکٹ2017 کے رول 144 کوپورا نہیں کیا گیا اور انتخابی عذرداری کے ہر صفحے پر دستخط موجود نہیں ہیں،الیکشن ٹربیونل نے کہا بیان حلفی میں اوتھ کمشنرکی تصدیق والے صفحے پر نام اور والد کا نام نہیں لہٰذا انتخابی عذرداری کو باقاعدہ ٹرائل کے لیے پیش نہیں کیا جاسکتا۔