قومی ترقی کیلئے اتحاد، اجتماعی کوششیں ناگزیر ہیں:کنڈی

صوبے میں امن و خوشحالی کیلئے حکومت ، اپوزیشن دونوں کو مل کر کام کرنا ہوگا

کسی ایسے اقدام کی حمایت نہیں کرینگے جو ترقی کے عمل میں رکاوٹ پیدا کرے

اسلام آباد (بیورورپورٹ) گورنرخیبرپختونخوا فیصل کریم کنڈی نے کہا ہے صوبے میں امن و خوشحالی کے لئے حکومت اور اپوزیشن دونوں کو مل کر کام کرنا ہوگا، قومی ترقی کیلئے اتحاد اور اجتماعی کوششیں ناگزیر ہیں، صوبائی وزرا کی حلف برداری تقریب صوبائی استحکام اور ترقی کے لئے تعاون کی اہمیت کو اجاگر کرتی ہے،وہ کسی ایسے اقدام کی حمایت نہیں کریں گے جو ترقی کے عمل میں رکاوٹ یا بہتری کی راہ میں مشکلات پیدا کرے، آل پارٹیز کانفرنس (اے پی سی) کے امکان پر تبصرہ کرتے ہوئے فیصل کریم کنڈی نے یاد دلایا کہ اسی نوعیت کی کانفرنس پہلے ہی صوبائی سطح پر منعقد ہو چکی ہے جس میں تمام اپوزیشن جماعتوں نے شرکت کی تھی، ہر اس کوشش کی حمایت کریں گے جو صوبے کی صورتحال میں بہتری اور عوام کی فلاح کیلئے کی جائے۔