علیمہ کے 7 ویں مرتبہ ناقابل ضمانت وارنٹ گرفتاری

بینک اکاوئنٹ منجمد کرنے سے متعلق رپورٹ بھی عدالت میں پیش

نمل یونیورسٹی سمیت فلاحی اداروں میں اکائونٹس بھی ہیں:رپورٹ

راولپنڈی (بیورورپورٹ)خصوصی عدالت نے علیمہ خان کے 7 ویں مرتبہ ناقابل ضمانت وارنٹ گرفتاری جاری کر دیئے، راولپنڈی کی انسداد دہشتگردی عدالت نے علیمہ خان سمیت 11 ملزمان کے خلاف 26 نومبر احتجاج کیس کی سماعت کی ، علیمہ خان اور وکلا پیش نہیں ہوئے،علیمہ خان کی عدم حاضری پر عدالت نے ساتویں مرتبہ ناقابل ضمانت وارنٹ جاری کئے، بینک اکاوئنٹ منجمد کرنے سے متعلق رپورٹ بھی عدالت میں پیش کی گئی،رپورٹ کے مطابق متعلقہ بینکوں میں علیمہ خان کے نام سے نمل یونیورسٹی سمیت فلاحی اداروں کے اکائونٹس ہیں، جن بینکوں نے رپورٹ جمع نہیں کرائی عدالت نے ان کو نوٹس جاری کر دیا ،بعد ازاں عدالت نے ساتویں مرتبہ علیمہ خان کے وارنٹ گرفتاری جاری کرتے ہوئے مقدمے کی سماعت 6 نومبر تک ملتوی کر دی۔