آبدوزیں 5 ارب ڈالرمالیت کے 8 ہنگورکلاس آبدوزوں کے معاہدے کاحصہ،نگرانی ، دفاعی طاقت کو مضبوط بنائیں گی

مصنوعی ذہانت، بغیر پائلٹ نظاموں، الیکٹرانک وارفیئر میں بھی چین کیساتھ تعاون بڑھا رہے ہیں:ایڈمرل نوید اشرف

کراچی (بیورورپورٹ) نیول چیف ایڈمرل نوید اشرف نے کہا ہے چین میں تیار کی جانے والی پہلی ہنگور کلاس آبدوز 2026 میں پاک بحریہ کے بیڑے میں شامل ہو جائیگی،نیول چیف نے چینی سرکاری میڈیا کو انٹرویو دیتے ہوئے کہا 5 ارب ڈالر مالیت کے معاہدے کا حصہ 8 آبدوزیں 2028 تک مکمل طور پر پاکستان کے بیڑے میں شامل ہو جائیں گی،4 آبدوزیں چین میں اور باقی پاکستان میں تیار کی جائیں گی جس سے مقامی تکنیکی صلاحیت میں نمایاں اضافہ ہوگا،ایڈمرل نوید اشرف نے کہا ہے آبدوزیں بحیرہ عرب اور بحر ہند میں پاکستان کی نگرانی اور دفاعی طاقت کو مضبوط بنائیں گی، چینی دفاعی ساز و سامان قابل اعتماد اور جدید ثابت ہوا ہے جبکہ پاک بحریہ اب مصنوعی ذہانت، بغیر پائلٹ نظاموں اور الیکٹرانک وارفیئر میں بھی چین کے ساتھ تعاون بڑھا رہی ہے۔