خارجہ پالیسی نئے مرحلے میں داخل، امریکہ ، چین، سعودی عرب اور دبئی کیساتھ تعلقات میں بہتری آئی:وزیر دفاع

پاکستان اب عالمی سطح پر قابل اعتماد شراکت دار کے طور پر ابھرا ،سفارت کاری اعتماد اور استحکام کی عکاسی کر رہی ہے:خطاب

اسلام آباد(بیورورپورٹ) وزیر دفاع خواجہ آصف نے کہا ہے چین پاکستان کا ہر موسم کا دوست ہے،پاکستان ، چین سی پیک فیز تھری پر کام بڑھانے کیلئے پرعزم ہیں، سیمینارسے خطاب کرتے ہوئے خواجہ آصف نے کہا پاکستان کی خارجہ پالیسی نئے مرحلے ، سعودی عرب کے تعلقات نئے دور میں داخل ہو چکے ، امریکہ ، چین، سعودی عرب اور دبئی کیساتھ تعلقات میں بہتری آئی، پاکستان اب عالمی سطح پر قابل اعتماد شراکت دار کے طور پر ابھرا ہے، پاکستان اور چین سی پیک فیز تھری پر کام بڑھانے کیلئے پرعزم ہیں، سعودی عرب پاکستان میں مختلف شعبوں میں سرمایہ کاری کررہا ہے، ہم نے دنیا بھر میں سفارتی کامیابیاں حاصل کی ہیں، دنیا پاکستان کی کامیابیوں کی معترف ہے، وسط ایشیائی ممالک آذربائیجان اور ترکمانستان تک رسائی میں نمایاں بہتری آئی ،وزیر دفاع نے مزید کہاپاکستان ترکیہ اور ایران کے ساتھ تعلقات کو مزید مضبوط بنا رہا، اسلاموفوبیا کیخلاف موثر آواز بن کر ابھرا ہے، پاکستان اصلاحات پر مکمل توجہ دے رہا ہے ، پاکستان کی سفارت کاری اعتماد اور استحکام کی عکاسی کر رہی ہے۔