ہمت ہے تو گورنر راج لگا کر دیکھیں: سہیل آفریدی

بند کمروں کی پالیسیاں خیبر پختونخوا میں نافذ کرنیوالوں کو احساس کرنا چاہیے

وفاق کے ذمے 3000 ارب، صوبے کیساتھ امتیازی سلوک کیا جا رہا ہے

پشاور (بیورورپورٹ)وزیراعلیٰ خیبر پختونخوا سہیل آفریدی نے کہا ہے صوبے میں کسی اور راج کی ضرورت نہیں، اگر ہمت ہے تو گورنر راج لگا کر دیکھیں، ہم نہیں ڈرتے،بند کمروں کی پالیسیاں خیبر پختونخوا میں نافذ کرنے والوں کو احساس کرنا چاہیے ،نجی ٹی وی سے گفتگو کرتے ہوئے سہیل آفریدی نے کہا بند کمروں کی پالیسیاں خیبر پختونخوا میں نافذ کرنے والوں کو احساس کرنا چاہیے، وفاق کے ذمے ہمارے 3 ہزار ارب روپے سے زیادہ پیسے ہیں، ہمارے صوبے کیساتھ امتیازی سلوک کیا جا رہا ہے، خصوصی افراد کی فلاح و بہبود کیلئے آئندہ بھی مزید اقدامات کریں گے، ضم اضلاع میں خصوصی افراد کیلئے بھی بسوں کا بندوبست کیا جا رہا ہے، خصوصی افراد کیلئے ہم بسیس اور ویل چیئر دے رہے ہیں، ہمارے لیڈر شوکت خانم ہسپتال بنا رہے تھے تو پوری پاکستانی قوم نے اپنا حصہ ڈالا، شوکت خانم ہسپتال میں کینسر کے مریضوں کا علاج کیا جا رہا ہے۔